Maniitsumi arsaattarfik anginerusoq
Borgmesteri Malik Berthelsen kommunalbestyrlsemilu amerlanerussuteqartut arsaattarfiup maanna 62 meterisut takussuseqartup tallineqarnisasa isumaqatiginngikkaluarpaat.
Arsaattarfik nunat tamat FIFA-p arsaattarfiisa angissusiannut, 65 gange 106 meterisut tallineqarpat tamanna kommunenut 13 million kr-nik akeqassaaq.
Arsaattarfiup eqqaaniittut qaqqat qaartitsineqartariaqassapput, tamannalu akisuallaassassoq Qeqqata Kommuneani borgmesteri kommunalbestyrelsemilu amerlanerussuteqartut isumaqarput, Malik Berthelsen KNR-imi nunatta nipaani tallimanngornermi ullaakkut taama oqarpoq.
- Innutaasut aningaasataasa aqunneqarnissanut akisussaaaffeqaraani, Kommunalbestyrelsemi ilaasortaasugut arlallit isumaqarsimavugut,
aningaasat taama amerlatigisut arsaattarfinaarmut atorneqarnissaat ingasappallaartoq, Malik Berthelsen oqarpoq.
Maannakkut arsaattarfiusup eqqaanniitut qaqqat qaartitsinerneqarpata, arsaattarfik ivigaasaaqqamik qallersugaq nunat tamat FIFA-p arsaattarfiisa angeqqataannik arsaattarfeqalissaaq.
Qaartitserisoqarnerani ujaqqat umiarsualiviup allineqarnissaanut nunniornermut atorneqassasut kommunalbestyrelsemi ilaasortat isumaqarput, taama oqartut ilagaat Karl Lyberth Siumut, Maniitsuminngaaneersoq.
AAMMA ATUARUK Maniitsoq FIFA-mit akuerisamik arsaattarfittaassava?
Qeqqatta Kommuneani borgmesteri kommunalbestyrelsemi ilasortat amerlanerussuteqartut, arsaattarfiup tallineqarnissaannut isumaqataanatik aalajangernissaq ulloq sioqqullugu aalajangiusimavaat.
- Kommunalbestyrelsemi ataatsimiinnissaq aqaguttoq, Qeqqata Kommunalbestyrelsea Kalaallit Nunaanni Arsaattartut Kattuffiannit KAK-mit aallarsivoq, Maniitsoq pissartanngorniunnerni qaanngiinarneqartassanngippat, taava angissuseq 65 gange 106, Arsaattartut Kattuffianit kaammattuutigineqartoq kommunalbestyrelsemi tusaaniarsimavarput, Malik Berthelsen oqarpoq.
- Maniitsumi arsaattarfiup tallineqarnissaanut sulineq aappaagu aallartissasoq kommunalbestyrelsemi aalajangerneqarpoq, - Maniitsumi arsaattarfik, sinerissami arsaattarfiit assigalugit, arsaattarfiup eqqaaniittoq qaartiterneqassaasoq aalajangertoqarpoq, aappagulu 2018-mi nunagissarneqassaaq, 2019-milu ivigaasaaqqanik qallersorneqassasoq kommunalbestyrelse aalajangerpoq, taamaalilluni Maniitsumi arsaattarfik sinerissami arsaattarfiit angeqqataannik angissuseqartussanngorlugu naammassineqartussanngorluguæu Kommunalbestyrelsemi isumaqatigiissutigivarput, Qeqqata Kommuneani borgmesteri Malik Berthelsen oqarpoq.
