Uppernarsaatit: Iperagaasimasoq persuttaanerup nalaani biiliniissimasinnaanngilaq
Angut kalaaleq Birna Brjánsdottirimik ukioq manna januaarimi toqutsisimasutut unnerluutigineqarpoq. Inuit katillugit 20-t suliamut atatillugu aggersarneqarput.
Politiit paasiniaasartuat immikkut ilisimasalik, Björgvin Sigurdsson, biilinik aappaluttunik Birnallu kamiinik misissueqqissaarsimasoq eqqartuussivimmi ualeq manna oqaluttuartinneqarpoq.
Birnap DNA-mik ilisarnaatai kaminni siullermik nassaarineqanngillat, kamiilli Sverigemut nassiunneqarlutik misissoqqissaarneqarmata DNA-mik ilisarnaatit kamiit singiini nassaarineqartut, immikkut ilisimasalik oqaluttuarpoq.
AAMMA ATUARUK Unnerluutigineqartup arnaq kunissimagaa
AAMMA ATUARUK Unnerluutigisap isiginnittullu nassuiaataat assigiinngitsut
- Singini Brinap unnerluutigineqartullu DNA-mik ilisarnaataat nassaarineqarput, Björgvin Sigurdsson oqarpoq.
Taanna biilit nassaarineqarmata siullersaalluni misissueqqissaartuuvoq.
- Ilaasut issiavianni aqorlermi biilillu matuani aagasappoq, Björgvin Sigurdsson oqarpoq.
Misissuinerup aamma takutippaa seqinermut alanngittaammi, sukkassutsimut nalunaaquttat allallu ikkussorfianni silaannarissaammilu aagasattoq.
Tamannalu Birna Brjánsdóttirip aagigaa, misissuinermi inerniliunneqarpoq.
Pequttanik misissuinermi uppernarsarneqarpoq ilaasoq alla iperagaasimasoq persuttaanerup nalaani biiliniissimassanngitsoq.
AAMMA ATUARUK Unnerluutigisap inuttaq alla tikkuaraa
AAMMA ATUARUK Unnerluutigineqartoq Birna pillugu ullumi eqqartuussaassaaq
Tassami, inuk alla biiliniissimaguni atisai aatsitersimassagaluartut, immikkut ilisimasalik misissueqataasimasoq, Ragnar Jónsson, nassuiaavoq.
Politiillumi misissuinerisa takutippaat, iperagaasimasoq aatsitersimanngitsoq.
- Arlaat ilaasut issiavianniissimaguni aatsitinngitsoornissaa ilimanaatikitsuaraararsuuvoq, Ragnar Jónsson eqqartuussivimmut visir.is naapertorlugu oqarpoq.
Kalaaleq unnerluutigineqartoq Rejkjavikkimi eqqartuussivimmi ataasinngornermi nassuiaareerpoq, Birna Brjánsdóttirimillu toqutsisutut toqutsinermiluunniit peqataasutut pisuunnginnerarpoq.
Unnerluutigineqartoq eqqartuussinermi marlunngornermi najuutinngilaq.