Lars Løkkep Otto Steenholdtiugaluaq eqqaaniarpaa
Ministeriunerup Lars Løkke Rasmussenip Otto Steenholdt eqqaaniaalluni oqaaseqarfigaa.
Ukiorpassuarni poltikeriusimasoq partiimillu Atassummik pilersitseqataasimasoq Otto Steenholdt 80-inik ukioqarluni toquvoq. Inatsisartut siulittaasuata Lars Emil Johansenip sisamanngornermi tamanna Inatsisartut ataatsimiittarfianni nalunaarutigaa.
Politikere 1977-imiit 1998-imut Folketingimiissimasoq pillugu ministeriuneq Lars Løkke Rasmussen eqqaaniaavoq.
Aamma atuaruk Lars Emil: Otto inuunermik nuannarisaqartuuvoq
Ottop inuunera oqaatsimik ataatsimik oqaatigineqarsinnaavoq tassalu: eqiasuinneq. Kalaallit Nunaanni nunaqarfeeqqami piniartup erneratut peroriartorpoq, Danmarkiliarpoq ilinniartitsisutullu ilinniarluni, Landsrådemut qinigaalluni kingornatigullu Folketingimut aalajangersimasumik inissarsilluni. Inuuneq suliumatussusermik takutitsisoq, ministeriuneq oqarpoq.
- Kalaallit Nunaat illersuisuimik annaasaqarpoq, uummataa kissartoq avannaanut nillertumut qaninnerusimavoq. Eqqarsaatikka ullumi Otto Steenholdtip ilaqutaaniitippakka, Lars Løkke Rasmussen taama oqarpoq.