Løkke ministerinik nikititerilersoq
Ilinniartitaanermut ilisimatusarnermullu ministeri Søren Pind (V) aamma avatangiisinut inuussutissanullu ministeri Esben Lunde Larsen (V), politikkimik suliaqarnerminnit tunuarlutik marlunngormat unnukkut nalunaarutigaat.
Søren Pind arlaleriarluni ministeriusarsimavoq, politikkikkulli qaffasissumik suliaqarnissani nukissaqarfigiunnaaramiuk maanna tunuarniarluni toqqarpaa, nalunaarutaani tamanna atuarneqarsinnaavoq.
AAMMA ATUARUK Danskit inatsisinik atuutsitsinermut ministeriat Nuummut tikeraarniarunnaartoq
Pind Danmarkimi ilinniartitaanermut ilisimatusarnermullu tunngasut ukiuni kingullerni marlunni akisussaaffigai, tamatumunnga ilaallutik kalaallit savalimmiormillu Danmarkimi ilinniagaqartut.
Esben Lunde Larsen aamma tassanngaannartumik tunuarpoq, tunuarnerminulli suna pissutaanersoq erseqqinnerusumik nassuiaateqarfiginagu. Avatangiisinut inuussutissanullu ukiuni kingullerni pingasuni ministeriunermini aalassatsitsisarpoq, ilaatigut Danmarkimi aalisagartassat pillugit aaqqissuusseqqinnini pissutigalugu.
AAMMA ATUARUK Sakkutooqarfiusimasut salinneqarnissaannut immikkoortinneqartut amerlineqartut
Aammattaaq Nunatsinni amerikamiut sakkutooqarfigisimasaanni saliinissaq pillugu Esben Lunde Larsenip Naalakkersuisut ukioq manna siusinnerusukkut isumaqatigiissuteqarfigivai.
Ministerit tunuartut kikkunnit taarserneqarnersut nalunaaqutaq arfineq-pingasunut radioaviisimi saqqummiussinnaassallugu naatsorsuutigaarput.
AAMMA ATUARUK Danmarkip USA saliinissamut tunngatillugu saaffigisimanngilaa