ASSIT Upalungaarsimanermut sungiusarneq annertooq malinnaafigiuk
Upalungaarsimanermut sungiusarneq annertooq Nuummi eqqaanilu akunnerni makkuni ingerlanneqarpoq. Nunatsini illoqarfiit pingaarnersaanni seqinnarippoq sungiusarneqartoqarneralu umiarsuit marluk pujornerani aporput, Nuup avataani 30 kilometerisut avasitsigisumi.
Sungiusarnermi inuit 350-it missaanniittut peqataapput, taakkua Kalaallit Nunaanni Politiinit , Issittumi Sakkutoqqarfimmit, illersornissaqarfimmit, upalungaarsimanissamullu aqutsisoqarfimit kiisalu Hjemmeværnetimit pisuupput.
Aamma atuaruk SUNGIUSARNEQ Nuup eqqaani umiarsuit marluk aportuusaartinneqassapput
Dronning Ingridip napparsimavissuani sulisut upalungaarsimanermut sungiusarnermut annertuumut, ulloq manna tikillugu annertunersaannut aamma peqataapput.
Assit: Henrik Madsen/Grønlands Politi