Klubbit qulit futsalimik pissartanngorniuunnissamut piareertut
IT-79 Nuummeersut kiisalu N-48 Ilulissaneersut ukioq kingulleq guultinnanniunnermi unammipput, taamaammallu angunniuteqataanatik toqqaannaq anngunnikuupput. Kâgssagssuk Maniitsumeersoq pissartanngorniunnermi aaqqissuisuusussaammat aamma toqqaannaq annguppoq. Klubbilli sinneri anngunniunnikuupput.
Nuummiit NÛK aamma B-67 anguttuupput, kujataaniillu Qaqortormiut K-33 aamma anngullutik.
T-41 Aasianneersoq, Kugsak Qasigiannguaneersoq, Malamuk Uummannameersoq kiisalu K-64 Kuummiuneersoq aamma anngullutik.
Ukioq manna pissartanngorniunneq Maniitsumi apriilip arfernaniit qulingiluaat ilanngullugu pissanganarluinnassagunarpoq. Tassami pissartanngornissamut ilimanaatillit arlaqarput.
IT-79, ukioq kingulleq unitsitassaanani arsarluaqisoq pissartanngoqqissinnaassanerpoq? Imaqaluunniit B-67, ukioq kingulleq arsarnerloqaluni kingulliit tulliattut isissittoq, pissartanngussanerpa?
Qularnanngitsumik B-67 sukataassaaq, tassami pissartanngornikkut ukioq kingulleq pisoq aatsaat puigorsinnaassagunarpaat. Klubbi taanna ukioq manna ukiuni 50-nngortorsiorluni nalliuttorsiorpoq.
Klubbi alla aamma nalliuttorsiorpoq. Tassa Kâgssagssuk 80-nngortorsiorami. Klubbi taanna ukiuni kingullerni takutitsilluartaqaaq, ukiorlu manna ilimanaatillit ilagaat.
Aprilip arfernaniit arfineq sisamaanut unammisoqassaaq.