VIDEO Kielsen: Qujaukitsup gruppi nukittunerulersissavaa
Vittus Qujaukitsoq 87-init taaguunneqarpoq, imminullu aamma qinersimanissaa ilimanaateqarmat novembarip 28-ani qinersisoqarmat innuttaasunit 86-init qinerneqarsimassasoq ilimanarpoq.
Aamma atuaruk Naalakkersuisunngortut aqqi aajuku
Siulittaasulli Kim Kielsenip gruppip katitigaanera tamaat nalilersoreerlugu Vittus Qujaukitsoq nunanut allanut, inuussutissarsiornermut, suliffeqarnermut niuernermullu naalakkersuisunngortinniarlugu aalajangerpoq.
- Grupperput sapinngisamik nukittunerpaamik inissisimassappat taaguunneqarnerpaartagut naalakkersuisunngortissinnaanngilagut.
- Gruppitsinniipput inuit misilittagaqarluartut, sapinngisamillu oqimaaqatigiissitsissagaanni sapinngisamik assigiinngitsunik piginnaasallit pisariaqartippagut, Kim Kielsen KNR-imut oqarpoq.
Aamma atuaruk Nunatta karsia milliardip sisamararterutaanik amigartooruteqarfiusoq
Vittus Qujaukitsoq Aleqa Hammondip naalakkersuisuutitaani aningaasaqarnermut naalakkersuisuuvoq taamaattumillu naalakkersuisunngortut nunatta karsiata 275 millionit koruunit missaannik amigartooruteqartillugu aallartinnissaannut akisussaasuulluni.
Naalakkersuisut siulittaasuata Kim Kielsenip Naalakkersuisut katitigaanerisa Inatsisartunit tallimanngorpat akuersissutigineqarnissaat naatsorsuutigaa, tamatumalu kingorna suliassaq ilungersunartoq aallartinneqassalluni.
