Karl-Kristian Kruse: Kapisilinniartarnermut pilersaarut nutaaq naapertuutinngilaq

Kapisilinniartarneq pillugu malittarisassatut siunnersuut politikkikkut siunniussanut naapertuutinngilaq. Aamma tusarniaanermi kukkusoqarsimavoq. Taama oqarpoq Aalisarnermut Naalakkersuisoq, Karl-Kristian Kruse.

Naalakkersuisoq for fiskeri, Karl-Kristian Kruse.

Allattoq Apollo Jeremiassen

juulip 01-at 2015 09:56

Taassuma tamanna nassuerutigaa. Taamaammat malittarisassat Naalakkersuisoqarfimmi nutaamik suliarineqartussanngorlugit utertinneqartut, Karl-Kristian Kruse oqarpoq.

- Aalisarnermut Naalakkersuisoqarfimmit tamanna maanna suliarineqarpoq, neriuutigaaralu erseqqarissumik tamanna kingorna nalunaarutigineqassasoq, Karl-Kristian Kruse oqarpoq.

Aamma atuaruk Borgmesteri naalakkersuisoqarfik pillugu tupigusuttoq

Kapisilinniartarneq pillugu pilersaarut nutaaq naalaatsornerinnakkut Kommuneqarfik Sermersuumit, sapaatip akunnerata kingulliup aallartilaarnerani paasineqarpoq isornartorsiorneqarlunilu tusarniaanermi tunngavilersuutigineqartut erseqqarluppallaartut paasinanngitsullu.

Aalisarnermut Naalakkersuisoq, Karl-Kristian Kruse oqarpoq, naatsorsuutigalugu kapisilinniartarneq pillugu tusarniaareernerup kingorna nalilersuinermi allannguutissanik Nunatsinnut pingaaruteqartunik nalilersuisoqarumaartoq.

- Aamma tamassuma politikkikkut isummerfigineqarnissaa qularutiginngilara. Aamma naatsorsuutigaara kapisilinniartarneq ukiup siuliisut ingerlaannassasoq, aalisarneq pillugu Naalakkersuisoq oqarpoq imalu nangilluni.

Aamma atuaruk Sunngiffimmi kapisilinniartarneq Aalisarnermut Naalakkersuisoqarfimmit inerteqqutigineqalissaaq

- Politikkikkut siunertaavoq, inuiaqatigiit anguniagaat imminnullu pilersortut ingerlaartinneqarnissaat. Taamaammat naatsorsuutiginngilara nammineq pissanik kapisilinniartarneq allanngortinneqassasoq, tassami Nunatta sineriaa kapisileqarluarpoq. Taamaattorli kapisilinniarnermi namminerlu atugassanik nalunaarsuisarnerup pitsaanerusumik ingerlanneqalersinnaanissaa tamanit pimoorunneqartarnissaa erseqqissaataassasoq naatsorsuutigineqarsinnaavoq.

Aalisarnermut, Piniarnermut Nunalerinermullu Naalakkersuisoq, Karl-Kristian Kruse taama oqarpoq.

Aalisarneq pillugu Naalakkersuisoqarfimmi pisortaq, Jørgen Isak Olsen KNR-imut oqarpoq, Aalisarneq pillugu siunnersuisooqatigiinnut tusarniaassutigineqartoq, tallimanngormallu juunip 26-anni kingusinnerpaamik nalunaarnissamik ullulerneqarsimasoq, Naalakkersuisoqarfimmit suliarineqareerpat tamanna Naalakkersuisunut nalilertussanngorlugu nassiunneqassasoq.