Illersornissamut ministereqarfik Kangilinnguit pisariaqartipparput
Lars Løkkep Kangilinnguanik ammaaqqinniarnermut taamaallaat Kinamit saaffiginnittoqarneranit peqquteqarneraanera allakkap akerlilerpaa.
Illersornissamut ministereqarfiup Kangilinnguit atuleqqinniarlugu isumaliuteqartoq, Avatangiisinut Naalakkersuisoqarfik Nuummiittoq juunip 30-ani ukioq manna allagarsivoq.
AAMMA ATUARUK Kangilinnguit kinamiut pisiaringajakkaat
Illersornissaqarfik Issittumi suliaqarnerulerniarmat ministereqarfik misissueqqissaarpoq tamannalu aalajangerneqarpoq.
Kinamiut suliffeqarfiutaat - General Nice Group - Kangilinnguanut soqutiginnillutik Illersornissamut ministereqarfimmut saaffiginnissimasoq, allakkami allassimavoq.
Illersornissamut ministereqarfiup Kangilinnguit nammineq atoqqinniarpasillugu suliffeqarfik saaffiginiarlugu ministereqarfiup paasissutissiissutigaa.
Tassa imaappoq, kinamiut saaffiginninnerat peqqutigalugu Kangilinnguit atorneqaqqilissasoq, ministereqarfiup Namminersorlutik Oqartussat nalunaarfiginngilaat.
Nutaarsiassaqarfik allamik oqaluttuassarsisoq
Nutaarsiassaqartitsivik Defencewatch naapertorlugu nassuiaatigineqartoq allaavoq:
Ministeriunerup Illersornissamut isumaqatigiissummi partiit tunuliaqutaasut Folketingimi aasalernerani isumaqatigiissuteqarfigisimavai, Kangilinnguit ammaqqinneqassasoq - kinamiullu Kalaallit Nunaanniilinnginnissaat peqqutituaralugu.
AAMMA ATUARUK Kangilinnguini saliisoqarnissaa pillugu Danmark pilersaarusiorpoq
Suliaq pillugu Illersornissamut ministereqarfik KNR-imut suli oqaaseqarumanngilaq, Deferencewatchimiillu oqaluttuarineqartoq akuerinerlugu akerlerinerluguluunniit oqaaseqartoqarani.
