Sakkutooqarfik Kangilinnguit atorneqaqqilersoq

Kangilinnguani sakkutooqarfiusimasoq tallimanngormamit atorneqaqqilerpoq. Sakkutuut pingasut sakkutooqarfimmik paarsisussanngorlugit Kangilinnguanukaanneqarsimasut Issittumi Sakkutooqarfik taama nalunaaruteqarpoq.

Allattoq Ane-Marie Petersen

septembarip 04-at 2017 07:40

Sakkutooqarfiup 2014-imi Nuummut nuunneqarnerani Kangilinnguaniittoq matuneqaraluarpoq.

Naalagaaffiullu neqeroortitsilluni tuniniaraluarpaa, iluatsinngittumilli.

Sakkutooqarfik ammaqqinneqassasoq Folketingimi siorna amerlanerussuteqartut aalajangerpaat. Tamanna pivoq neqeroortitsinermi Kinamiut suliffeqarfiutaata pisiariumareeraalu.

AAMMA ATUARUK Kangilinnguani saliinissaq aallartinneqarsinnaanngulersoq

Imeqarneq, kiassarneq innaallagiaqarnerlu atuuteqqilernissaat Issittumi Sakkutooqarfiup qaammatit kingulliit pingasut sulissutigaa. Kangilinnguanilu illut aamma nutarterlugit.

Kangilinnguani Sakkutooqarfik Issittumi Sakkutooqarfiup pissamaatinut, soorlu ikummatissanut, sungiusarnermi atortunut ilinniartitsinermullu atortunut siunertaralugu ammaqqippaa. Sakkutooqarfittaaq misissuinermut atatillugu atorneqarsinnaajumaarluni.

AAMMA ATUARUK Kangilinnguit septembarimiit sulisoqaqqilissaaq

Sakkutooqarfik Kangilinnguit atorneqaqqilersoq

Aamma atuaruk