Kangerluarsorusermi torersaassinissaq piareersarneqalertoq
- Nunatsinni pisortat kissaatigaat, Savalimmiormiut torersaasissasut.
Nordafarimili torersaassisoqannginnerani piaasoqannginneranilu misissuisoqaqqaassaaq, suliami ataqatigiissaarisuusoq, Savalimmiuni Katersuugaasivik Søvn Landsins taama allappoq.
Misissuinermi Nunatta Katersuugaasivia Toqqorsivillu peqataassapput.
AAMMA ATUARUK Savalimmiormiut Kangerluarsorutsimi saliinissamut aningaasassarsiortut
Naalakkersuisut siulittaasuata Kim Kielsenip savalimmiormiut lagmandiat 2016-imi uparuarpaa.
matumani pineqartoq tassaavoq, Kangerluarsorusermi Nordafarimi torersaassinissamut 2007-imiillu isumaqatigiissut malinneqarsimanngimmat.
Uparuaasoqareersorlu Savalimmiuni lagmand, Aksel V. Johannesen suliamik aallartitsivoq.
Nordafari - Kangerluarsoruseq Nuummit 50 kilomiiterinik ungasitsigisumiittoq savalimmiormiunit 1927-imi pilersinneqarpoq - Savalimmiormiut aalisarsinnaalersillugit.
Kangerluarsoruseq pilersinneqarmat napparsimmaveqarpoq, quersuaqarpoq radioaqarfeqarlunilu, tamakkuuppullu torersarneqartussanngortut.
Uani atuarsinnaavat pilersaarut
