Nunarput Inunnut Innarluutilinnut illersuisoqalertoq

Christina Johnsen inatsisilerituutut ilinniagaqarpoq eqqartuussiveqarnerullu iluani suliaqarnermik misilittagaqarluartuulluni.

Inuiaqatigiinni sanngiinnerpaat Christina Johnsenip tunniussimalluarluni sullittarsimavai, pingaartumillu eqqartuussisutut tamatumalu kingorna illersuisutut pisinnaatitaaffiit pillugit soqutiginnilluarluni.

AAMMA ATUARUK Illersuisumik pilersitsiniarneq neriulluarfigineqartoq

- Nuannaarutigeqaara inunnut innarluutilinnut illersuisussamik maanna toqqaasoqarmat. Toqqaaneq inuit innarluutillit atugaasa pitsaanerulersinneqarnissaannik pisinnaatitaaffiisalu eqqortinneqarnissaannik neriuuteqalersitsivoq, Isumaginninnermut, Ilaqutariinnermut, Naligiissitaanermut Inatsisinillu Atuutsitsinermut Naalakkersuisoq Sara Olsvig oqarpoq.

Inuit Innarluutillit illersuisuat naalakkersuinikkut arlaannaannulluunniit pituttorsimanngilaq pissutsillu illersuisup suliaqarfiinut attuumassuteqartut pillugit killilersorneqarnani oqaaseqarsinnaalluni.

Inuit innarluutillit illersuisuat inuit innarluutillit illersuisuata allaffeqarfiani Sisimiuniittussami pisortaassaaq.

AAMMA ATUARUK Illersuisumik pilersitsiniarneq neriulluarfigineqartoq

AAMMA ATUARUK Ny talsmand skal forbedre handicappedes rettigheder