Kalaallit nerisassiassaataat festivalimi sammineqalersut
Aarhusimi Tangkrogenimi ukiumoortumik Food Festivalertoqarnerani, septembarip sisamaanit arferngata tungaanut ingerlanneqartussami, Nunatsinni nerisassiassanik tunisassiortut peqataassapput.
Tuniniaavimmi "Avannaarsuaneersut" Nunatsinni nerisassanik tunisassiortut aammalu Aarhusimi Kalaallit Illuutaat kalaallit nerisassiassaataannik nittarsaassissapput. Festivali ukiut siuliini 30.000-40.000-init takuniarneqartarpoq.
Nunatta aammalu Nunani avannarliiti nerisassianik nioqqutissaataasa ilisimaneqarnerulernissaat anguniagaavoq.
Aaqqissuussineq Nunani avannarlerni ministerit siunnersuisoqatigiivi, Danmarkimi inuussutissanut ministereqarfik aamma Akunnittarfinni neriniartarfinnilu sulilersussanut ilinniarfik suleqatigalugit piviusunngortinneqarpoq.
