Kalaallit Illuutaat allileerusuppoq
Kalaallit Illuutaat Aarhusimiittoq alliniarlugu sanaartortoqarnialerpoq. Illu illoqarfiup qeqqata eqqaani Dalgas Avenuemiittoq 100 kvadratmeterit missaannik, illup pisortaa naalagaasuuppat, allissaaq.
- Inunnut 100-nut inissaqartitsisinnaasumik illu allisinnaassasoq neriuutigaarput, pisortaq Jørn Holbech KNR-imut oqarpoq.
Aamma atuaruk Kalaallit Illuutaat Aarhusimiittoq pisortartaarpoq
Illu, Aarhus Kommunemit pigineqartoq, ilinniartunut 20-nut ullumi inissaqartitsisarpoq, allaffeqarfeqarluni inunnut arfineq pingasunut naammattumik, kulturikkullu aaqqissuussinernut aamma atortarluni. Ilinniartut amerlanerulersimanerisa aaqqissuussallu anginerulersinnaanerinik piumasaqarneq illup allinissaanut tunngaviupput.
- Kalaallit maannga nuuttartut ukiumut 2 procentip missaanik amerlisarput. Aaqqissuussanullu maanna inunnut 25-30 missaannik inissalimmiit amerlanerusunut inissalinnik aaqqissuusserusuttarluta, Jørn Holbech oqarpoq.
Illussanik titartaasartumit illup allinissaanut siunnersuummik ukiaru pinissani ilimagaa. Suliniutilli qanoq aningaasalersornissaa maanna misissorneqaqqaassaaq.