Kalaallit arnat assammik arsarnermi siullermeerlutik ajugaapput

Kalaallit arnat ippassaq unammivaat Puerto Ricomiut arnat. Tassani arsarnermi kalaallit ajugaapput 27-26-mik. Immikkoortup aappaani arsarnermi, kalaallit arnat målinik marlussunnik kinguaqqajuareerlutik arsarnerup taamaatinnissaanut minuttit tallimaannanngortullu, Puerto Ricomiut anguneqarput 24-24-mik. Tamatumalu kingorna kalaallit arsarlualerput arsarnerlu naligiiffioqaluni.

Minuttit 60-it ingerlareersut kalaallit frikastertinneqarput, tassanilu Mia Egede torrallaavilluni isertitsivoq, tassalu kalaallit 27-26-mik ajugaatillugit.

- Arsarnermi illersuinerput ajunngilluinnartumik ingerlanneqarpoq. Saassussinerilli pitsaanerusinnaalluarlutik, tamannalu tulliani unamminissatsinnut sungiusarnerni pitsanngorteriassavarput sungiusaasoq, Johannes Groth oqarpoq nangilluni oqarluni anngunniunnermi suli ajorsarnikuunnginnertik nuannaarutigalugu.

Kalaallit arnat USA-mut siullermik unamminermi naligiipput 26-26-mik taamatullu Mexicomut unamminermi aamma naligiillutik 20-20-mik. Kalaallit arnat unammisassaat tulliit tassaapput Martiniqui, tamannalu unnugu kalaallit nalunaaqutaat malillugu arfineq pingasunut aallartissaaq.

Aamma atuaruk: Håndboldlandshold fik uafgjort mod Mexico