Kalaallit amerlanerusut ilinniarnertuunngorniartalersut
Nunatta naatsorsueqqissaartarfiata kisitsisaataat naapertorlugit nunatsinni inuusuttut ilinniarnertuunngorniarfimi aallartittartut 2006-miit 2016-imut 56 procentinik amerleriarsimapput. Tassami inuusuttut ilinniarnertuunngorniarfimmi 2016-imi iliniarlersut 469-iupput.
Ilinniarnertuunngorniarlutik aallartittartut amerleriarnerannut atuarfinnik iluarsaaqqinnerit marluk peqquteqarsimasinnaapput.
Atuarfitsialaap atuutilernerata kingunerisaanik 11. klasseqarunnaarmat ilinniarnertuunngorniarlutik aallatittartut amerleriarput.
Atuarfitsialammik taallugu aaqqissuusseqqinnermi siunertat ilagaat ilinniarnertuunngorniarfimmi ilinnialertartut ukiukinnerullutik aallartittarnissaat, taamaalilluni ilinniarnertuunngorniarfiup ilinnialersussanut "piginnaanerusut meeraat kisiisa pinnagit amerlanerusunut inissaqartitsilerluni", ilinniartitaanermut, kultureqarnermut ilageeqarnermullu naalakkersuisoqarfimmi siunnersuttaaneq Jesper Nielsen nassuaavoq.
Iluarsaaqqinnerit 2012-imi naammassineqarput, taannali sioqqutingaatsiarlugu, tassalu 2006-imili ilinniarnertuunngorniarfimmi iinnialertartut amerliartulereerput. Taamaammat ilinnialersut amerleriarnerinut iluarsaaqqinnerinnarnik peqquteqanngillat.
Ilinniartut amerliartortut
Sisimiuni ilinniarnertuunngorniarfimmi rektorip ilinniarnertuunngorniartartut amerliartorneri 2008-mili malinnaaffigaa.
Taassuma isumaa naapertorlugu ilinniarnertuunngorniarfiup tusaamalluagaaneranik peqquteqarpoq. Taamaammat nunaqarfinneersut aamma ilinniarnertuunngorniartalerput.
- Ilaqutariit piginnaasallit meerartaannaannut iluaqutaaginnarnani amerlanerpassuarnut iluaqutaavoq,
Qeqqanilu ilinniarnertuunngorniarfimmi rektori Mikael Engaard tamatumunnga isumaqataavoq.
- Ilinniarnertuunngorniarfik inuusuttunut ilinniarfiuvoq pilerinartoq, periarfissanullu assigiinngitsunut ammaassisarluni,
Sisimiuneersoq Poul V. Jensen aamma isumaqarpoq, GU inuusutttunit, assasorluni sulisussatut ilinniarfissaaleqisunut arlalippassuarnut periarfissat aappaattut toqqarneqartartoq:
- Tassalu ilarpassui kajumissuseqarpianngitsut aallaqqaataniilli piukkuulereersunut naleqqiullugit ajornartorsiornerusarput, Taava gymnasiarnissaamut piunmassuseqanngitsut piukkunnarsarsimanngitsulluunniit amerlavallaaraangata, tamanna GU-nut atasiakkaanut unammillernartuusartoq, Poul V. Jensen isumaqarpoq.
GU-llumi maanna ilungersoreeqaat. GU-rtopasuimmi atuariartungitsoortarput naggataatigullu atuarunnaaginnartarlutik.
