Kalaallip atuakkiaa tuluttut saqqummilersoq

Hans Lyngep atuakkiaa Ersinngittup piumasaa 1938-imi saqqummersoq ulloq manna atuassallugu suli soqutiginaateqarpoq. Maannalu tuluttut oqaasillit atuarsinnaalissavaat. Kalaallit Illuutaat Københavnimiittoq taama nalunaaruteqarpoq. 

Atuagaq, qatanngutigiinnut ataatagisaminnut akiniaaniarnerannut tunngasoq, 1990-imi qallunaatuunngortinneqarpoq, maannalu tassa tuluttut saqqummilerluni. 

Hans Lyngep aningaasaateqarfiata atuagaq tuluttut nutsigaq sisamanngornermi novembarip 16-iani saqqummiutissavaa. Tassani Kirsten Thisted pingaarnertut oqalugiartuussaaq atuakkallu Nunatta piorsarsimassusaanik paasinninnerulersitsineranik nassuiaateqassalluni. 

Hans Lyngep ernera, Niels-Henrik Lynge, saqqummersitsinermi najuutissaaq angummilu qanoq innera kiisalu atuakkap allanneqarnerata nalaani piffissaq oqaluttuarissallugu.