Kalaaleq Danmarkimi sungiusaasutut aallartilluartoq
Kalaaleq nunanut allanut unammisartuusimasoq, Jakob Larsen arnani assammik assartartuni, Nykøbing Falster Håndboldklubimi ukiup affaata missaa sungiusaareerluni unamminermi siullermi ajugaapput.
Unammineq Super Cupimi unammineruvoq tassanilu Randers HK-mut unamminermi Jakob Larsenip arnat sungiusai 30-23-mut ajugaapput. Nykøbing Falster Håndboldklubbi nittartakkamini taama allaaserisaqarpoq.
Taamaasilluni sungiusaasoq Jakob Larsen NFH-mi sungiusaasutut pokali siulleq pissarsiaraa. Jakob Larsen aasaq manna GOG-p angutitaani sungiusaasuujunnaarluni Nykøbing Falsterip arnartaanut nuuppoq. NFH ukioq sæsonimi kingullermi guultinnannikuupput.