Julie Berthelsen taamaatittussanngortoq
Erinarsortartoq Julie DR-imi radiukkut P4-kkut aallakaatitami nuannarineqarluartumi maajimili aallakaatitseqataasalerpoq. Januaarilli aallaqqaataanit taamaatittussanngorpoq, Sermitsiaq.AG. taama allaaserisaqarpoq.
Radiomi aallakaatitseqataasarnermi saniatigut Julie Berthelsenip ilaatigut tusarnaartitsinerit oqalugiarnerillu suliarisarsimavai.
AAMMA ATUARUK Julie Berthelsenip atuagaq pinerluttulersaarut atuffassissutitut immiukkaa
- Unnuit tamangajaasa ulaperujussuartarpunga ullukkullu radiolerisarlunga, suliakkalu amerlavallaalersimallutik, Julie oqarpoq. Taamaalilluni nipilersorneq nuannarilluakkani aallunniarlugu toqqarpaa.
Sermitsiaq.AG. taama allaaserisaqarpoq.
AAMMA ATUARUK Julie Berthelsen singlemik nutaamik saqqummersitsisoq
Julie Berthelsenip saqqummerseqqaaga siulleq ukiut 14-t matuma siorna saqqummersinneqarpoq, aappaagulu ukiut 15-nngortorsiorluni nutaamik aamma saqqummersitsissamaarpoq. Siulliit novembarip qiteqqunnerani saqqummerput.