Martha Lund Olsen: Isumaqatigiissut atorunnaarsinneqassappat akisusinnaasoq

-Allamik isumaqatigiissusiortoqassappata tamanna inuiaqatigiinnut akisunerussaaq, Angallannermut Naalakkersuisoq Martha Lund Olsen oqarpoq.

Borgmesterip Jørgen Wæver Johansenip allakkanik ammasunik allagaqarluni Naalakkersuisunut isornartorsiutini saqqummiuppai.

AAMMA ATUARUK Kiffartuussinissamik isumaqatigiissutigineqartut pitsaanerusinnaapput

Borgmesterip Naalakkersuisunut allakkamini ilaatigut innersuussutigaa,  neqeroortitsinerup nalaani periaaserineqarsimasoq apeqquserneqarsinnaanersoq, tassunga ilanngullugu neqeroortitsinermi piumasaqaatit avaqqullugit  isumaqatigiissusiortoqarsimanersoq.

AAMMA ATUARUK Wæver uppernarsaatitaqanngitsunik isornartorsiuteqarpoq

Tamannali Angallannermut Naalakkersuisumit illuatungilerneqarpoq:

- Isumaqatigiissutit isumaqatigiissutaareerput, inuiaqatiginnut aningaasartuutissat eqqarsaatigalugit pitsaanerpaasutut nalilersimavarput, isumaqatigiissutillu eqqortumik atorlugit tapiliutaasumillu isumaqatigiissusiornissarput pitsaanerpaajuvoq, Angallannermut Naalakkersuisoq oqarpoq.

AAMMA ATUARUK Martha Lund Olsen: Pitsaanerpaaq angusinnaasara saqqummiuppara

Naalakkersuisoqatigiit isumaqatigiissutaanni allaqqavoq kiffartuussinissamut isumaqatigiissusiornermi kommunit naammagisimaarutigisinnaasaannik isumaqatigiissuiortoqassasoq, angallannermulli isumaqatigiissut taamatinneqarsinnaanngitsoq, Angallannermut Naalakkersuisoq oqarpoq nangillunilu:

- Taamaattumik taannartaa isiginiarsimavarput, aammalu eqquutsinnagit isumaqatigiissutit allanik isumaqatigiissusiussagaluarutta nalilersuinitsinni minnerunngitsumik aningaasartuutissat inuiaqatigiinni tamakkiisumik isigalugit taakkua aallaavigisimavagut. Kissaatigisaat aallaavigalugit pitsaanerpaatut angusinnaasarput isumaqarpunga angugipput.

AAMMA ATUARUK Qulakkeerininnernut qulimiguullillu amerlanerusut