Inatsisitigut ataataqanngitsut pillugit paasisitsiniaaqqittoqassaaq
Ministerip akissuteqarluni nalunaarutigaa, inatsisitigut ataataqanngitsut atugaat arlaqartut qulaajarneqassasut aamma paasissutisssanik nutaanik upernaamut saqqummiussisoqassasoq.
Isumaginninnermut ministerip Aaja Chemnitz Larsenimut akissuteqarnermini eqqavaa, manna tikillugu 44-it saaffiginnissimasut, taakkualu inatsisitigut ataataqannginnertik pillugu suliassaataat eqqartuussivinni misisorneqaleruttortut.
Inatisisitigut ataataqanngitsut
Tassaapput 1962 sioqqullugu inunngortut, 2014 tikillugu kina ataataginerlugu paasitinneqarnissamik pisinnaatitaaffeqanngitsut.
Suleqatigiissitanik pilersitsisoqarpoq taakkua suliat ingerlanneqarnerannut malinnaapput taakkualu innersuussutigaat paasisitsiniaanermik annertunerusumik iliuuseqartoqassasoq.
Isumaginninnermut ministerip akissuteqaatai Aaja Chemnitz Larsenip nuannaarutigai.
Folketingep nittartagaani apeqqutit akissutillu takukkit.
- Suliniutit arlaqartut, ilaatigut upernaarumiit paasissitsiniaaqqilernermik pissutsillu pingaarutillit inatsisigut ataataqanngitsunut attumassuteqartut qulaaajanneqarnerannik nassataqartussat, Karen Ellemannip nalunaarutigai. Ilaatigut inatsisitigut ataataqanngitsut qanoq amerlatiginersut misissorneqassalluni, Aaja Chemnitz Larsen oqarpoq.
Inatsisitigut ataataqanngitsut pillugit inatsisip nalilersorneqarnissaa ministerip qulakkeerniarlugu nalunaarpoq, minerunngitsumillu inatsisitigut ataataqanngitsuunerup inuttut sunniutai qulaajarneqassallutik.
Nunatsinni inatsisitigut ataataangitsut pillugit Danmarks Radiop TV-ikkut aallakaatittagaani nuannarineqarluartumi "Sporløs"-imi, kalaallisut periarfeerussami, maanna immikkut ittumik aallaakaatitassiortoqarpoq.
Aamma atuaruk Inatsit allanngormat ataatassarsiuussinerit amerlisut
Aamma atuaruk Periarfeerussaq" inatsisitigut ataataqanngitsut pillugit aallakaatitassiulersoq
