Issittumi ilisimasassarsiortup umiarsuarisimasai Canadamut tunniunneqartut
Umiiarnerit ajoquserpiarsimanngitsut marluk issittumi ilisimasassarsiortup John Franklinip pigisimasai Tuluit Nunaanni oqartussanit Canadamut tunniunneqarput.
Tuluit Nunaanni illersornissamut ministereqarfik taama ilisimatitsivoq.
John Franklin inuttaalu Sullualuup 1840-kkunni assiliornerani periarfeerunneqarput.
AAMMA ATUARUK Nunavumi umiiarnikup HMS Terroriunera uppernarsarneqartoq
Umiaarnerit HMS Erebus aamma HMS Terror 2014-imi 2016-imilu nassaarineqarput. Canadap imartaani qeqertarpassualimmi King William Islandip eqqaani imminnut kilometerinik 50-inik ungasissuseqarlutik immap naqqani nassaarineqarput.
Umiiarnerit Tuluit Nunaannit pigineqarnerat Canadap Tuluillu Nunaata akornanni siornatigut isumaqatigiissutigineqarsimavoq.
AAMMA ATUARUK Ukiut 168-it matuma siorna umiiarnikoq nassaarigaat
Tuluilli illersornissamut ministereqarfiata ataasinngornermi nalunaarutigaa umiiarnerit Canadamut tunniunneqassasut. "Umiarsuarneersullu ikitsuinnaat" Tuluit Nunaata pigiinnarniarpai.
/ritzau/