Ukiut 168-it matuma siorna umiiarnikoq nassaarigaat
Nassaarineqartoq tassaasorineqarpoq tuluit umiarsuaat HMS Terror, issittup imartaani ilisimasassarsiortilluni 1848-mi kivisoq.
The Guardian taama allaaserisaqarpoq.
Umiarsuaq HMS Terror tassaavoq issittumi ilisimatusartumut Sir John Franklinimut Sullualukkoorniarneranut umiarsuit atugassanngortinneqartut marluusut aappaat.
Umiarsuit sikkussaammata, umiarsuaq ingiaqataasoq HMS Terror umiarsuarlu pingaarneq HMS Erebus inuttanit qimaannarneqarput.
Ilisimasassarsiornermi Franklin inuttaalu 128-usut ajunaarput.
Umiarsuit periarfeerunneqarnerinit ukiuni aqqanilinni ujaarineqaraluarput nassaarineqaratilli.
Umiarsuarlu taanna maanna nassaarineqarunarpoq. Ajoquserpallaarsimanngilaq ilisimatuullu immap iluani assiliissutit ungasianit aquttakkat atorlugit umiiarnikup ilua misissorsimavaat, tassanilu ilaatigut puuguttat viinnillu puui nassaarisimallugit.
/ritzau/
