Inuusuttuaraq issittumi ilisimasassarsioqataalertoq

Inuusuttuaraq 15-inik ukiulik Pilunnguaq Karlsen Kullorsuarmeersoq Issittumi ilisimasassarsioqataasussanngorpoq.
- Neriuutigaara misigisakka paasisakkallu ilinnialernissannut iluaqutaajumaartut, Pilunnguaq Karlsen oqarpoq. Assi © : WWF Naturfonden
2015-imi ilisimasassarsiorneq Assi © : Martin Lipman/Students on Ice
Ilisimatusassarsiorneq siorna ingerlanneqarmat assilisaq. Assi © : Martin Lipman/Students on Ice
Allattoq Sara K. Jakobsen
juulip 22-at 2016 07:42

Avatangiisit pillugit suliaqatigiiffissuup, WWF-ip, issittumi paasisassarsiorluni angalatitsinerani
Ilinniartut inuusuttuaqqat 100-t nunanit tamaneersut taakku akornanni Pilunnguaq Karlsen Kullorsuarminngaanneersoq peqataasoq, WWF allappoq.

- Kalaallit inuusuttaannut aallartitatut peqataanissara nuannaarutigaara, Nunarpullu pillugu qanorlu inooriaaseqarnerput pillugu  inuusuttunut nunarsuarmioqatitsinnut oqaluttuarissalluga qilanaarutigaara, Pilunnguaq Karlsen oqarpoq nangillunilu:

-Silap pissusiata allanngoriartornera avatangiisillu sammissallugit soqutigilluinnarpakka.
Soorlu assersuutigalugu atuariartortillunga assiliigaangama Kullorsuarmi silap pissusia allanngoriartortoq takusinnaasarpara, Pilunnguaq Karlsen, ilisimatuut umiarsuaannut M/V Ocean Endeavorimut ikisimalereertoq oqarpoq.

Ilisimasassarsiornissamut piareersarneq Ottawami aallartereerppoq,  Tassanngaanniit Canadamiut nunaqarfii, Baffin Islandip kangerlui sineriaalu angallavigissavaat, ilaatigullu sermeqarfissuaq Auyuittuq National Park takuniarneqassalluni.

Ilisimasassarsiorneq Kangerlussuarmi aggustip ulluisa tallimaanni naammassissaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq