TAKSØEP NALUNAARUSIAA Issittoq pillugu Nunarput nammineq periusissiortariaqarpoq
Nunatta nunanut allanut tunngasunut nammineq politikkisaminik kissaateqaraangat tamanna erseqqinnerusumik oqaatigisalertariaqaraa, Inuit Ataqatigiit isumaqarpoq.
Kalaallit Nunaata nunanut allanut politikkiata iliuusissaa pillugu Taksøep nalunaarusiaani allaaserineqannginnera pillugu naalakkersuisoq Vittus Qujaukitsoq isornartorsiuereersorlu, IA allagaqarpoq.
Aamma atuaruk Nunatta sammineqarnerunissaa Justusip ujartorpaa
- Nunanut allanut, illersornissamut sillimaniarnermullu politikki Nunatsinnit Issittumiillu siammasinneruvoq. Taamaammat uagut piumasarput tassaavoq Nunarput suliassaqarfinni taakkunani nammineq politikkissaminik saqqummiussigaangami pikkorinnerulissasoq, Inuit Ataqatigiit siulittaasuat Sara Olsvig tusagassiuutinut nalunaarummi allappoq.
Aamma atuaruk Savalimmiut nunanut allanut tunngasumik namminneq nalunaarusiorusupput
Nunarput Issittoq pillugu nammineq periusissiussasoq Olsvigip siunnersuutigaa.
- Nunatta nammineq Issittoq pillugu periusissiornermini qanoq Issittumi suleqatigiinnermut anguniagaqarnerluta oqaasertalissavarput, suleqatigiinnermullu tamatumunnga qanoq naatsorsuuteqarnerluta oqaasertalissallutigu, Sara Olsvig allappoq.
Tassunga atatillugu Nunatta nunarsuarmioqatigiit akornanni qanoq inissisimanera pillugu upernaami Inatsisartuni ataatsimiinnermi Inuit Ataqatigiit oqallisissiamik saqqummiussaqarput.
Aamma atuaruk Inuit Ataqatigiit Taksøep nalunaarusiaa nuannaarutigaat
Nunat tamalaat akornanni qimaasut pillugit peruluttoqarnerani nunallu qanigisat sorsuttunut peqataanissamut isummeraangatta qanoq iliuuseqartoqassanersoq ataatsimiinnermi oqallisigineqarumaartut nalunaarusiami allassimavoq.
