Islandimi partiip takornariaqarnerulerneq ajuusaarutigigaa

Takornariallu Islandermiut amerlassusaat tassa 332.000-t ukiup naaneraniit qaangersinnaajumaaraat,  takornariaqarnermut siunnersuisooqatigiinnit naatsorsuutigineqarpoq.  

Islandimullu takornariat katillugit 1,6 milliuuniunik amerlanerulerpata takornariaqarneq aalisarnermit inuussutissarsiutitut pingaarnertut inissisimalissaaq.

Takornariaqanerulernerali tamanit nuannaarutigineqanngilaq.

- Allaanngilaq illoqarfigisara Reykjavik illoqarfigiunnaarsimallugu, allaanngilarmi Disneylandimiiginnarluni, Islandimi Piratpartiimi siulittaasoq, Birgitte Jonsdottir tuluit aviisiannut The Telegrafimut oqarpoq.

Isumaqarlunilu takornariaqarnerpallaanerup kinguneranik islandermiut anersaavat innarlerneqarsinnaasoq.

Islandimi innuttaasut 87 procentiisa missaat takornariaqarnermut akitsuusiinerusalernissaq kissaatigigaat,
Islandimi nutaarsiassaqartitsivik RUV-ip innuttaasut isumaannik misissuinerata kingorna paasineqarpoq.

Islandimi inatsisartunut arfininngorpat qinersisoqartussaavoq.