Islandimi manninnik nioqqutissiortoq mamianartuliortoq
Islandimi manninnik nioqqutissiortut annerit ilaat mamianartuliorsimasutut maanna taaneqarpoq.
Nioqqutissiortummi Brunægip manniisa avatangiisit uumasullu eriagalugit nioqqutissiarineqarsimanerat suliffeqarfiup taassuma ukiorpassuarni oqaatigisimavaa, manniisalu tamanna pillugu unammillertiminut naleqqiullugit 40 procentinik akisunerunissaat utoqqatsissutigisarsimallugu. Danmarkip Radioa taama ilisimatitsivoq.
Atuisulli ukiorpassuarni uukapaasiarineqarsimasut maanna paasinarsivoq. Manninnimmi nioqqutissiortup kukkukuuaraataasa ajorluinnartunik atugassaqartinneqarsimapput, nappaateqarlutik, amerlavallaarsimallutillu.
Ajornerusorli tassaavoq oqartussat pissutsit tamakku 2007-imili ilisimasimagaat. Tamanna piviusulersaarummi tv-kkut aallakaatinneqartumi saqqummiunneqarpoq.