Isittoq Naalagaaffeqatigiinnerup iluani nukittorsarniarneqarpoq

Kalaallit amerlanerit illersornissaqarfimmi sulilersinnaanissaat anguniagaavoq, upalungaarsimanissamullu Danmarkip Kalaallit Nunaatalu akornanni isumaqatigiissut nutaaq aamma atsiorneqassalluni.

Aamma atuaruk Kalaallit Illersornissamut Qullersaqarfik ikiussavaat

Naalagaaffeqatigiinnerup Issittumut tunngasuni nukittunerulernissaa Danmarkimi naalakkersuisut kissaatigigaat illersornissamut ministerip oqaatigaa, suliniutillu assigiinngitsut tassunga atatillugu aallarnisarneqalersut aamma oqaatigalugu:

- Kalaallit inuusuttut amerlanerit sakkutuunngornissaat ilaatigut kissaatigaarput, upalungaarsimanissamullu atatillugu Danmarkip Kalaallit Nunaatalu akornanni suleqatigiittoqarnerulernissaa kissaatigalutigu. Naalagaaffeqatigiinneq aamma nukittorsarneqassaaq, Issittumilu inissisimanerup siunissami qulakkeerneqarnissaa siunertaalluni, Illersornissamut ministeri Peter Christensen, Nunatsinnut tikeraarnerminut atatillugu tusagasiuutinut nalunaarummi taama ilaatigut allaaserisaqarpoq.

Illersornissamut ministeri Illersornissaqarfiup Nuummi aqagu paasititsiniaanerani aamma peqataassaaq.

Aamma atuaruk Sakkutuut paasititsiniaallutik ullorititaat illoqarfinni arlalinni ingerlanneqassaaq