Inuit peqqinnerulerusuttut
Nunavimmiunut allamik pingaarnerusoqanngilaq taamaallaat timikkut tarnikkullu peqqissuunissaq.
Taamaattumik Nunavimmi peqqinnissaqarfiup inuit peqqissusaat pillugu misissuineq annertooq aallartissimavaa taallugu Qanuilirpitaa 2017? 2017-imi qanoq ippugut?
Misissuineq naggueqatitsinnit ingerlanneqarpoq, Nunavimmilu suliniaqatigiiffinnit angisuunit nunaqarfinnilu aqutsisunit tapersersorneqarluni.
Suleqatigiittussat piareersarneqaleruttorput, taakku aasaq naalerpat umiarsuarmut ilisimatusarfimmut Amundsenimut ilaallutik sapaatit akunnerini arfineq marlunni angalallutik misissuisassapput.
Nunavik tamakkerlugu umiarsuaq angalassaaq. Ungavap sineriaatigut, Hudsonillu kangerliumarngata sineriaaniittut inuit nunaqarfinniittut tamaasa apersortassavaat.
Misissuisarnerpassuarnertut allatut pinnani misissuineq una naggueqatitsinnit Inunnit aqunneqassaaq, paasissutissalli katersorneqartut Nunavimmiunut iluaqutaanissaat siunertaralugu tamarmik Nunavimmiitiinnarneqassasut, Marianne Stenbæk nalunaarpoq.
