Innuttaasut 22.000-init amerlanerusut akileraarpallaarutinik utertooruteqartut
Akileraarutinut akiliuteqartartut 22.000-init amerlanerusut akileraarutinit utertoornissartik qilanaarisinnaassavaat.
Siorna akileraarutinit utertoorutigineqartussat 150 millionit koruunit missaat tunniunneqartussaasut Akileraartarnermut Aqutsisoqarfiup ilisimatitsissutigaa.
Akiitsut ilanngaatigineqassapput
42 millionit koruunit imaluunniit tunniunneqartussaagaluartut 28 procentii pisortanut akiligassaqarneq pissutigalugu tunniunneqassanngillat.
Pisortanut akiliutigineqartussat amerlanerpaartaat, kommuninut, Inissiaatileqatigiiffimmut INI-mut aamma Iserit-imut kiisalu Nukissiorfinnut akiliutigineqassapput sinnerilu Namminersorlutik Oqartussanut akiligassaallutik.
Akileraartartut uteertoortussaagaluartut, pisortanut akiitsoqarnertik pissutigalugu utertoorutissararaluamik taakkununnga atorneqarnissaat pillugu immikkut ilisimatinneqassapput.