Inissiap ikuallannerani patsisaasut paasineqanngitsoorput
Inissiami ikuallattoqareersorlu politiit marsip naalerneranili paasiniaallutik aallartipput, maannakkullu misissuineq unitsinneqarpoq, ikuallannerullu patsisaa paasinngisaannarneqartussanngorpoq.
- Paasinngisaannartussaagunarparput una ikuallaffiusimasoq assut ikuallassimagami pequttallu tamarmiknungussimallutik, taavalu innaallagissallu misissornerani taakkua peqqutaasimanngitsut aamma paasivarput, ikuallannikumi misissuinermi siuttuusoq, Taatsi Lynge-Fleischer oqarpoq.
Ikuallannerup peqqutaa paasineqanngikkaluartoq, inimi ikuallaffiup aallartiffia, tassa inimi ikuallanneq aallartissimasoqikuallassimasunik misissuisartut nanisimavaat.
Ikuallajasut atorneqarsimanngillat
Inimilu ikuallaffiunikumi ikuallajasoqarsimanngitsoq misissuinermi siuttuusup oqaatigaa.
- Takussutissaqanngilaq piaaraluni ikuallatsitsisoqarsimaneranik, taamatullu arlaannik ikuallajasunik atuisoqarsimaneranik takussutissaqarani, ikuallassimasumi misissuinermi siuttuusoq, Taatsi Lynge-Fleischer KNR-mut oqarpoq.
Ikuallannermut suliaq Politiit ingerlariaqqiffigisinnaannginnamikku unitsiinnartariaqarsimavaat, maannalu A/S INI-mut tunniullugu.
Ikuallannermi misissuisut ullumikkut Danmarkimut uterlutik aallarput.