Ingerlatseqatigiiffiit aningaasaqarnerat siuariartorfiusoq
2015-imi kaaviiaartitat tamarmiusut 19,4 milliardit koruuniupput, ingerlatseqatigiiffiillu kaaviaartitaat 1,7 milliardit koruuninik amerleriaateqarlutik.
Allattoq Inge S. Rasmussen
marsip 24-at 2017 06:47
Nutserisoq Simon Uldum -
Naatsorsueqqissaartarfiup suliffeqarfinni naatsorsuutit pillugit saqqummiussaani nutaami tamanna atuarneqarsinnaavoq.
Ingerlateqatigiiffinni sulisut katillugit 10.346-pput.
Suliffeqarfinni naatsorsuutit pillugit kisitsisitigut paasissutissani piginneqatigiiffinni assigiinngitsuni aningaasaqarnikkut pissutsit tunngavigineqarput.
2015-imi suliffeqarfinni naatsorsuutit pillugit kisitsisitigut paasissutissani suliffeqarfiit piffissami 2015-imi apriilip aallaqqaataanit 2016-imi apriilip 30-ianut naatsorsuutaat ilaatinneqarput.
Suliffeqarfiit naatsorsuutaat Qitiusumik Suliffeqarfinnik Nalunaarsuiffimmit (CVR) Akileraatarnermullu aqutsisoqarfimmit pissarsiarineqartut, Naatsorsueqqissaartarfik ilisimatitsivoq.
