Ingeniørinngorniaq nersornaasigassatut innersuunneqartoq
Thomas Ravnshøj Johansen pumpimik kiassarnermut pilersuisinnaasumik suliaqarpoq. Pumpi taanna issittumi illunut sanaartukkanullu angisuunut pilersuisinnaasoq.
- Kalaallit Nunaanni illut sanaartukkallu angisuut nutaamik kiassarneqartalernissaannut soqutiginarmat taanna suliaraara, Thomas Ravnshøj Johansen oqarpoq.
- Islandimi, Savalimmiuni Norgemilu annertuumik misissuisoqarnikuuvoq misilittaasoqarlunilu, issittumi allatut nutaamik kiassarnermik pilersuisarneq pillugu, Thomas oqarpoq.
Aamma atuaruk Ilisimatusarfik nutaamik periusissiortoq
Teknologimik suliaq nutaaq International Symposiumimi Odensemiittummi Thomas Ravnshøj Johansenip sisamanngorpat saqqummiutissavaa, nersornaaserneqarnissamut innersuunneqarnini tulluusimaarutigaa pissanngatigalugulu.
- Tulluusimaarutigaara pissanngatigalugulu, suliama saqqummiunneqarnissaanut, nersornaaserneqartussanut innersuunneqarneq torrattuuvoq, issittumi teknologi nutaaq saqqummiunneqartussaammat, Thomas Ravnshøj Johansen oqarpoq.
Aamma atuaruk Aningaasaateqarfik Ivalo & Minik ilinniagaqartunut legatinik agguaasoq
Pumpi kiassarnermik pilersuisinnaasoq Kalaallit Nunaanni illuni ataasiakkaani atorneqalereerpoq, Thomasilu isumaqarpoq suliani ukiut ikittuinnaat qaangiuppata atorneqarsinnaalerumaartoq.
- Assersuutigalugu illuni ataasiakkaani Nuummi pumpi kiassarnermik pilersuisoq atorneqalereerpoq, naatsorsuutigineqarsinnaavorlu sanaartukkat anginerusut blokkilluunniit ungasissumit kiassarneq iluaqutigalugu ukiut arlaqanngitsut qaangiuppata atorneqarsinnaalissasut, Thomas Ravnshøj Johansen oqarpoq.
Aamma atuaruk Ilinniartut peqqinnartunik nerisaqartinnerisigut taamaatiinnartut ikilisinniarpaat
Thomas Ravnshøj Johansenip ilinniarnerminut atatillugu suliani bachelorinngorniutitut pitsaanerpaatut toqqarneqassanersoq sisamanngorpat novembarip ulluisa 19-ianni paasissavaa.