Ilulissani kræftemik eqqugaasut katersuiniunneqarput
Katersuiniarnissaq kulturikkut illorsuarmi Sermermiuni pisussaq quleqqutserneqarsimavoq ”Ilissi pillusi uummatip tillernera” taannalu nunaqqataasunit pingasunit aaqqissuunneqarpoq.
Igaanik tuniniaasoqassaaq, juullerpaluttunik qiortaaqatigiittoqassaaq tusarnaartitsisoqassallunilu. Kikkulluunniit tunissuteqarsinnaasut aaqqissuisut ilisimatitsipput.
AAMMA ATUARUK Ikiuukkumatuut katersinerisigut najorsinnaalersut
Aaqqissuusseqataasut namminneq kajumissutsiminnik ikiuutissapput.
Ilulissaniinnaanngitsorli katersuiniartoqassaaq, aammattaaq Nuummi nipilersortartut nipilersortartoqatiminnut Jorsi Sørensenimut katersuiniarlutik sapaatip akunnerata tulliani tallimanngornermi 16 december aamma arfininngornermi 17 decemberip nipilersussapput.
Tusarnaartitsisussat ilaat Jorsip nipilersoqataaffigisarsimavai anigaasallu katsorsartinneranut oqilisaataasinnaanissaat neriuutigalugu.
