Ilulissani qarasaasiaarniarfik nunguilluni ikuallattoq
Ilulissani qarasaasianik atortuinillu niuertarfik GH Data aqqusinermi Konrad Chemnitzvejimiittoq ullaap tungaani ikuallattoq maanna qaminneqareerpoq inunnillu ajoqusertoqarani.
Allattoq Hagen Højer Christensen, Jaaku Lyberth
oktobarip 20-at 2014 12:06
Ikuallattoqarnerani annertuumik pujuliortoqarpoq, isumannaallisaanerlu eqqarsaatigalugu, ikuallattup eqqaani najugaqartut, tassalu Illumiut eqqaani aamma aqqusinermi Mathias Storchip Aqqutaani najugaqartut politiinit kaammattorneqarput isersimaannaqqullugit igalaatik silaannarissarfiitillu matussagaat, ikuallattup pujuanit ulorianarsinnaasunik naajuussuinnginnissaq pinerullugu.
Mianersoqqussuteqarneq maanna taamatinneqarpoq.
AAMMA ATUARUK Ilulissani ikuallaffiusup eqqaani najugaqartut isersimaannarnissaannik politiinit kajumissaarneqartut
Ikuallannermit assit takuneqarsinnaasut malillugit, ikuallaneq ullaassaq tallimat missaani paasineqarpoq, niuertarfillu GH Data nunguilluni ikuallassimavoq.
