Ilulissani ikuallaffiusup eqqaani najugaqartut isersimaannarnissaannik politiinit kajumissaarneqartut
NUTARTIGAQ: Ilulissani Konrad Chemnitzvejimi ikuallattoqarnerata pujuliortupilussuunera pissutigalugu ikuallaffiusup eqqaani najugallit isersimaannarnissaannik Ilulissani politiit kajumissaaruteqarput.
Allattoq Simon Uldum -
Ilulissani qarasaasiaarniarfik GH Data Konrad Chemnitzvejimiittoq ullaaralaaq ikuallappoq.
Konrad Chemnitzvejimilu ikuallattoqarnera pujuliortupilussuummat Mathias Storchip Aqqutaani aammalu Illumiuni najugaqartut politiinit kajumissaarneqarput igalaat, silaannarissarfiit assigisaallu matoqqatinneqassasut aammalu illup iluani isersimaannassasut.
Qaminneqareerpoq
Ilulissani politiit ikuallattoqarnera pillugu annerusumik oqaaseqarusunngillat, taamaallaallu maanna qaminneqarsimanera oqaatigisinnaallugu.