Ilisimatuut nuna tamakkerlugu pilersaarusiaq isornartorsioraat
Nuna tamakkerlugu pilersaarusiassaq oktobari aallartittoq tusarniaassutigineqarpoq. Pilersaarutip politikerit assersuutigalugu atortulersuutinut aningaasaliissuteqassatillugit pingaarnersiuinissaannik ataatsimut isigalugu ikiorniartussaavai.
Nassuiaalli tamatumunnga atorsinnaanngilluinnartoq, Ilisimatusarfimmeersoq Birger Poppel, Aalborg Universitetimeersoq Ulrik Jørgensen, aamma Artekimeersoq Kåre Hendriksen inerniliipput.
Taakkua naapertorlugit sumi aningaasaliinissamut inuiaqatigiittut pingaarnersiuinissatsinnut ataatsimoortumik pilersaarusiornissarput qitiulluinnarpoq:
- Taamaammat Nuna tamakkerlugu pilersaarusiamik, apeqqutinut pingaaruteqarnerpaanut akissusiinngitsumik aningaasaqarnermut naalakkersuisoqarfik aammaarluni saqqummiussimmat kingunipiloqarsinnaaqaaq, ilisimatuut pingasut Sermitsiami allaaserisaqarlutik allapput.
AAMMA ATUARUK Illoqarfinnut nutserneq qangaaniilli pilerpoq unitsitassaanngingajavillunilu
Ilisimatuut nalunaarusiami sanngiiffiit pillugit misissuineq kingumut isigiffiusutut isornartorsiorpaat, naak najugaqarfiit sorliit inuussutissarsiornikkut ineriartornissamut periarfissaqarnerpaanersut nassuiaaffiusinnaagaluartoq.
- Nuna tamakkerlugu pilersaarut 2017 taamatut isikkoqartilluni ilaatigut atortulersuusersornissamut aningaasaliissutissanut inuiaqatigiit pisariaqartumik aalajangiinissaannut piginnaaneqarnerulersitsinngitsoq, ataatsimut eqikkaalluta naliliivugut, Birger Poppel, Ulrik Jørgensen aamma Kåre Hendriksen allapput.
AAMMA ATUARUK Nuna tamakkerlugu pilersaarusiamut nassuiaat nutaaq tusarniaassutigineqartoq