Assi: KNR

Nuna tamakkerlugu pilersaarusiamut nassuiaat nutaaq tusarniaassutigineqartoq

Nuna tamakkerlugu pilersaarusiamut nassuiaat 2017-imoortoq tusarniaassutigineqaleruttorpoq. Nassuiaat Inatsisartut siorna ataatsimiinneranni piffissaq kingulleq utertinneqarpoq nassuiaammi inassutigineqartut paatsorneqarsimanerat pissutigalugu. Ukioq mannali nassuiaat inassuteqaatinik imaqanngilaq. Nassuiaat paasissutissaannarnik imaqarpoq politikerit sulinerminni atorusukkunikkit atorsinnaasaannik.

Nuna tamakkerlugu pilersaarusiamut nassuiaat 2016-imoortoq inatsisartut siorna ukiakkut ataatsimiinneranni oqallisigineqartussaagaluarpoq. Saqqummiunneqarnissaali sioqqutitaarlugu utertinneqarpoq.

Taamani utertitsinermut nassuiaatigineqarpoq nassuiaatip kalaallisoortaata danskisoortaatalu assigiinngissuteqarnerat. Ajornartorsiutaanerpaasorli tassaavoq nassuiaammi inassutigineqartut ilaata paatsoorneqarnera.

AAMMA ATUARUK Innersuussutigineqartoq paatsoorneqarsimavoq

Inassutigineqartoq nunaqarfiit inuerukkiartornerannut tunngatillugu siunissami unammilligassat qanoq iliuuseqarfiginissaannik imaqarpoq, nunaqarfinnilli matooraanissamik politikkikkut aalajangertoqarsimaneratut paasineqarluni.

Taamaammat nassuiaat ukioq mannamoortoq inassuteqaatinik imaqanngilaq. Aamma tamanna siunertaanngitsoq, suliniutinik aqutsisoq nunalu tamakkerlugu pilersaarusiamut nassuiaammut akisussaasuusoq, Klaus Georg Hansen, taama oqarpoq.

- Nassuiaat tunngaviatigut inassuteqaatinik imaqartussaanngilaq, akisussaasoq oqarpoq.

AAMMA ATUARUK Naalakkersuisut pilersaarusiaq oqallisigerusunngilaat

Nuna tamakkerlugu pilersaarusiamut nassuiaatip siunertaraa nunami attaveqaatinik, inissialiortitsinermik assigisaanillu pilersaarutit pillugit paasissutissanik politikerinut tunniussaqarnissaq.
 
Inuiaqatigiit aaqqissugaanerat nassuiaammi ilaatigut sammineqarpoq, soorlu assersuutigalugu qanoq ukioqqortusitigisarnersugut, sumi najugaqarnersugut qanorlu nuttartoqarnersoq. Politikerimmi aningaasaliiniartillutik paasissutissat taama ittut atorsinnaavaat.

AAMMA ATUARUK Nuna tamakkerlugu pilersaarusiaq Kim Kielsenip atortussaajunnaarsippaa

- Inuiaqatigiit aaqqissugaanermikkut ineriartornerat tunngavigalugu politikerit sutigut aningaasaliissanerlutik aalajangiisinnaapput, Klaus Georg Hansen oqarpoq.

Assersuutigalugu inoqarfinni aalajangersimasuni pitsaanngitsumik ineriartorfiusuni imaluunniit pitsaanerusumut ineriartortitsinissamut politikerit aningaasalersuissanersut.

AAMMA ATUARUK Nunaqarfiit pillugit ammasumik pilersaarusiortariaqarpugut

Nuna tamakkerlugu pilersaarusiamut nassuiaat 2017-imoortoq nassuiaatit 2015-imi 2016-imilu suliarineqartut pingajoraat. Ukioq manna nassuiaammut "Suleqatigiinnissaq pisariaqartinneqartoq" qulequtaritinneqarpoq.

AAMMA ATUARUK Nassuiaat nunaqarfinnik inuerusaanissamik imaqanngilaq

 

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!