Ilinniartitsisut perorsaasullu isumassarsioqatigiittut
Suleriaatsinik videoliat tamarmik takutippaat, ilinniartitsisoq imaluunniit perorsaasut meeqqanik ulluinnarni ilinniartitsinerminnik atuisarnerat, aammalu eqqarsaatit siunnersuutillu suut allanut tunniunneqarsinnaanersut.
Suleriaatsinik videoliarpassuit nittartakkakkut www.atuarfiit.gl-ikkut maanna saqqummiunneqarput, taamaalillutik ilinniartitsisut perorsaasullu sinerissamiittut isumassarsiorfigisinnaassallugit kiisalu atuarfinni meeqqerivinnilu iPadinik atuisinnaanermut isumassarsiorfiusinnaallutik, Qeqqata Kommuniani ilinniartitaanermi pisortaq, Annga Lynge, taama oqaluttuarpoq.
Allaaserisaq assip kingorna nangissaaq
Ilinniartitsisut perorsaasullu marlukkuutaarlutik ikioqatigiillutik iPadit atorlugit imminnut
filmiliarisarsimapput.
Ilinniartitsisullu ilinniartitseriaatsiminnik tunniusimallutik ammasumillu suliaqarsimaneranerat ilinniartitaanermi pisortap Annga Lyngep nuannaarutigaa.
- Atuartut klassiini ilinniartitsisoq inersimasortaakkajuttuuvoq, taamaalillunilu ilinniartitsisut akunnerminni mislittakkaminnik pitsaasunik avitseqatiginninniarneq ajornakusoortarsimalluni. Uanili ilinniartitsisut takutitsipput, sassarlutik misilittakkaminnik avitseqatigiikkusullutik. Kakkaqaat siunissamullu isumalluarnaqaluni, Annga Lynge
Qeqqata Kommuniata tusagassiorfinnut nalunaarutaani taama oqarpoq.
