Iligiillaqqissut ajugaapput
Siumut Inuit Ataqatigiinnut 9-3-mik ajugaalaavissorpoq, partiit inatsisartuni ilaasortaatitaat peqqissuunissamut aaqqissuussinermut Maj-nuannimut atatillugu ualisoq unammillutik arsaammata.
Siumup arsartui iligiittut arsaatillaqqissuunertik imminnullu tunioraatillaqqissuunertik pissutigalugu ajugapput, IA iligiittut arsatillaqqinnginnamik ajorsarluni.
Siumup siulittaasua Aleqa Hammond ataasiarluni ajuummat, Siumumik illersuisut arsaattarfiup killingani nikorfasut nuannaartaatigeqalugu nillerrapput, arsaattarfiup illuatungaani IA-mik illersuisut avaallattut. Aamma arsarnermi Aleqa Hammondip arsaq ajuuffiup tungaanut isimmittaa IA-p arsartuanit attorneqartoorluni ajuutitsivoq, IA-meersoq ajuuffiminnut akeqqaminut ajuutitsisoorluni.
Siumumi arsarluartutut taaneqarsinnaasut tassaapput Finn Karlsen, Karl Lyberth, Kristian Jeremiassen aamma Malik Berthelsen. Taakku misilittagartuujunertik ilaatigut takutillugu kimmimminnik tunioraattarput IA-mi arsaqataasunut, siulittaasuminnik Kuupik Kleistimik arsaqateqanngitsut, nukillalaarnarsinnaalluni.
IA-mi arsataqataasut Siumukkormiutulli arsaatinngillat, ataasiakkaannguit arsaatillaqqissuunerminnermik takutitsisut ilaatigut tassaallutik Aqqaluaq B. Egede, Johan Lund Olsen il.il.
Inatsisartut siulittaasuat Josef Motzfeldt arsaannermi 2 x 25 minutsinik sivisussusilimmi dommeriuvoq. Dommerip arsaannermik maleruaqqusat unioqqutinneqartussuunngimmata siggartaanni atussallugu pisariaqartippallaanngilaa.
