Nunaqarfik ajunaarnersuarmik eqqugaasimasoq tillinniarfigineqartoq
Tassaarneranit nunaqarfik eqqugaanerpaamut, Nuugaatsiamut tillinniarnerit marluk pineqarput.
Nuugaatsiami tilliarnerit marluk politiinut nalunaarutigineqarsimasut, Ilulissani politiit aqutsisuata, Sebastian Bechip KNR-imut ilisimatitsissutigaa. Tillinniarnerit aappaa illumut tillinniarneruvoq aappaalu pisiniarfimmut tillinniarnerulluni.
Politiit Nuugaatsiami illumit aningaasivik tillinneqarsimasoq juulip 14-iani nalunaarfigineqarput.
Politiit aggustip arfineq-pingajuani nalunaarfigineqaqqipput Nuugaatsiami pisiniarfik tillinniarfiusimasoq tassanilu pisiniarfimmi pisiassat tillinneqarsimapput.
Suliat tamarmik suli misissuiffigineqarput politiilli allamik KNR-imut paasissutissiisinnaanngillat.
Illorsuarni illunut tillinniartoqarsimaneranik KNR-imut sapaatip akunnerata siuliani nalunaartoqarput. Politiilli Illorsuarni tillinniartoqarneranik nalunaarfigineqarsimanngillat.
Nalunaaruteqarfinni piffissani taakkunani kikkut nunaqarfinni illunut inuerutinneqartunut nakkutilliisussatut akisussaanerat Qaasuitsup Kommunianit Qaasuitsumilu Politiinit oqaaseqartitsiniarnerput akissutissarsiviginiaraluarparput. Naak oqarasuaatikkut e-mailikkullu arlaleriarluta saaffiginnikkaluarluta politiiniit kommunimiillu akissutersinngilagut.
AAMMA ATUARUK Vi passer på jeres huse