Hellep aamma Hup nunarput pillugu oqaluuserisanngilaat
Danmarkimi nunanut allanut tunngasunut ministeriaqarfimmi immikkut siunnersuisartup, Claus Perregaardip tamanna uppernarsarpaa:
- Maannakkut oqaatigisinnaavara, oqaluuserisassanut ilaanngitsoq. Ministeriunerup aamma nunanut allanut tunngasunut ministerip, Kinamit tikeraartussat oqaloqatigiinnerini allannguuteqartoqanngilaq.
- Danmarkip Kalaallit Nunaatalu akornanni isumaqatigiissutinik tunngassutilinnik oqaluuserinnittoqassagaluarpat, taava soorunami Kalaallit Nunaat qaaqquneqassagaluarpoq, Claus Perregaard oqarpoq.
Piffissami kingullermi oqaluuserineqartorujussuuvoq, Kinami præsedenti Hu Jintao, sisamanngorpat Københavnimut tikippat, Kinap Nunatsinnut soqutiginninnera oqaluuserisassanut sunniuteqarsinnaanissaa.
Tamatumunngalu tunngatillugu Naalakkersuisut siulittaasuata, Kuupik Kleistip ataatsimiinnermut qaaqqusaannginnini eqqumiiginartoqartippaa.
Nunatta ataatsimiinnermut ilaatinneqarnissaa qaaqquneqannginnissaaluunniit paatsuungassutigineqartoq, Claus Perregaardip nassuiaatissaqartippaa:
- Atorfilittat tungaaniit oqaluuserisassat amerlasuut aallaqqaammut aallaavigineqaraluarput. Tamakkulu eqqartorneqaleqqaarmata Issittoq oqaluuserisassanut ilaagaluarpoq.
- Tikeraarnissarli qanilliartortillugu atorfilittat Kinamiittut Københavnimiittullu oqaloqatigiittarnermikkut, oqaluuserisassat ilasaqattaarpaat, taamaalilluni Issittoq aamma Kalaallit Nunaannut attuumassuteqarsinnaasut, oqaluuserisassanit peerneqarlutik, Claus Perregaard oqarpoq.
Danmarkimi nunanut allanut tunngasunut ministeriaqarfimmi immikkut siunnersuisartoq, Claus Perregaard oqarpoq.