Qaleralinniartartut qassutit inerteqqutit atortarpaat

Aalisarnermut akuersissutinik nakkutilliisoqarfiup uparuarpaa qaleralinniarnermi nigartaqqortussutsit mikivallaartut atorneqartaraluttuinnartut.

Inerteqqutaasumik aalisartartut amerligaluttuinnarnerat qalerallit millingaluttuinnarnerannik peqquteqarsorineqarpoq. Ajornartorsiut minnerunngitsumik qalerallit amerlassusaat eqqarsaatigalugu imminik sakkortusartuusoq, aalisarnermut akuersissutinik nakkutilliisoqarfik Hans Aronsenimut akissummini allappoq.

Aamma atuaruk Inassutigineqartut aalisarnerup iluani malinneqanngillat

Taamaattumik tassani erseqqissarneqarpoq nigartaqqortussusissatut inatsisitigut aalajangersakkat malinneqarnissaat, akuersissutinik nakkutilliisoqarfiuttaaq akisussaaffiinut ilaavoq qaleralinniarnermi atortut nakkutigissallugit .

Nakkutilliisoqarfiup misissuisarnerani erserpoq unioqqutitsisartut Qeqertarsuup Tunuaniittut, aammali erseqqissarlugu sinerissap qanittuani qaleralinniat amerlanerpaat malittarisassanik malinnittartut.

- Ikinnerussuteqartunuku - amerlanerpaanik ajoqusiillutik - piaaralutik malittarisassanik unioqqutitsisartut Nallutilliisoqarfik nalunaarpoq.