Hashi pillugu tigusaaqqasut tigummigallarneqarnerat sivitsorneqartoq
Tigummigallarneqartut ukiortaami tigummigallarneqaannartussanngortut, unnerluussisussaatitaasut tusagassiutinut allapput. Tigummigallarneqartut peqatigiillutik Danmarkimiit nunatsinnut hashimik 15 kiilumik eqqussisimasutut pasineqaraluarput.
AAMMA ATUARUK Hashimik tuniniaasutut pasineqarlutik tigummigallagaasut arfineq-marluupput
Sisamanngornermili inatsit tunngaviusut naapertorlugit killisiorneqareermata tigummigallarneqartunit arfinillit tigummigallarneqarnerat sivitsorneqarpoq. Taakku maanna ukioq 2015-imiit juulip 26-at 2017-ip tungaanut 63 kiilumik hashimik anngiortumik eqqussisimasutut pasineqalerput. Tigummigallarneqartut tassaapput angutit tallimat 20-ikkunni ukioqartut angullu ataaseq 30-ikkunni ukioqartoq.
Tigummigallarneqartut arfineq-marlussaat arnaavoq 20-ikkunni ukioqartoq, taanna piffissami 2016-imit 2017-imut hashimik 14 kiilumik eqqusseqataasimasutut pasineqarpoq.
Tamatuma saniatigut nunatsinni politiit inuit arlaqartut suliami misissuinermut atatillugu pasivaat. Politiit suliamut tunngatillugu allamik paasissutissaatieqanngillat. Politiit suliami suli misissuinerat pisussutigalugu tigummigallarneqarnerisa sivitsornissaanut suliaq matuni matoqqasuni ingerlanneqartoq, unnerluussisussaatitaasoq ilisimatitsivoq.
AAMMA ATUARUK Arnaq inuusuttoq hashimik poortanik 70-inik iioraalluni eqqusseriaraluartoq
