GUX-ni ikiaroornartoq ajornartorsiutaanngilaq
Nuummili Aasiannilu GUX-imi atuartut, aamma Qaqortumi Campus Kujallermi atuartut, taamatut ajornartorsiuteqanngitsut, ilinniarfinniit taakkunannga oqaluttarput.
- 500-nik atuartitaqarutta, taava ataasiakkaat ikiaroornartumik ajornartorsiuteqassapput. Ajornartorsiulli imarsiornermi ilinniarfimmi ajornartorsiutaasutuulli annertutiginngilaq, Nuummi GUX-imi ittuusoq, Mikael Enggaarg oqarpoq.
Aamma atuaruk VIDEO Naalaganngorniaq: Quumik misissuinikkut hashimik atornerluineq qulaajaaffigineqarli
Aasianni GUX-imi ajornartorsiut aamma annertunngitsoq, kollegiepædagog, Rikke Kristiansen oqarpoq.
-Ulluinnarni annerusumik maani GUX Aasianni kollegiani najugaqartuni ikiaroornartumik ajornartorsiutinik malugisaqakulanngilagut aammalu annertuumik ajornartorsiutaanera malunnanngilaq inuit ataasiakkaat ilinniarut eqqaassanngikkanni, Rikke Kristiansen taama oqarpoq.
Aamma atuaruk Ikiaroornartumik atuinerujussuaq Ilinniarfiup ittuata iliuuseqarfigeqquaa
Steffen Lund, ukiut marluk Campus Kujallermi ittuunermini ilinniartumik ikiaroornartumik atuisumik ataatsimilluunniit nalaataqarnikuunngiivippoq.
Ikiaroornartumik atuineq GUX-ini tamani inerteqqutaalluinnarpoq. Ineqarfinnilu atuisimagaanni ilinniarfimmiit anisitaagallarnermik kinguneqartarluni. Campus Kujallermi ukiuni kingullerni marlunni ittuusoq Steffen Lund oqarpoq, ikiaroornartoq pillugu suli anisitsisimanatik.
Aamma atuaruk Ilinniagaqartut akornanni ikiaroornartumik atornerluineq eqqumaffigisariaqarpoq
Kisianni GUX Aasianni Nuummilu anisitsisisarmapput, naak qaqutigooraluartumik .
-Ukiuni pingasuni ittuuninni ataasiaanarlunia taama pisoqarput, Mikael Enggaard oqarpoq.
Aasianni atuartoq ataaseq iniminiit ukioq kingulleq anisinneqarsimavoq Rikke Sørensen oqarpoq.
Ilinniartut ikiaroorsimallutik atuariartorunik, atuarfimmiik anisitaassapput. Taamaaliortarnerli qaqutigoortuusoq GUX-it Nuummi Aasianni Qaqortumilu oqaatigaat.
Misissuineq
Kisianni kiaroornartumik atuineq inuusuttut akornanni takussaaleraluttuinartoq Innuttasunik peqqissusianik misissuinerup takutippaa. 15-inik ukiullit 25 procentiisa hashimik pujortarnermik misiliisimanerisa saniatigut 15-iniit 17-inut ukiullit 9 procentiisa qaammatip kingulliup ingerlanerani hashimik pujortarneq misilissimavaat. Tamanna Semitsiam ullumi saqqummersumi atuarneqarsinnaavoq.