Ujaasineq kinguneqanngitsoq - Qaqortormiut namminneq piumassutsiminnik ujaasilersut
Qaqortumi politiit ujaasinermik nangeqqinninnginerani suliami paasiniaqqissasut, Laila Fleischerip nalunaarutigaa.
Taamaalinerani Qaqortumi innuttaasut nunaqqatertik namminneq piumassutsiminnik ullumi sisamanngornermi ujaarinialerpaat. Kujataani politiit aqutsisuata tamanna nuannaarutigaa:
AAMMA ATUARUK Qulimiguullit, aqqartartut umiarsuillu Gudrun ujaarileruttoraat
-Soorunami amerlasuutigut iluaqutaassaaq, Laila Fleischer oqarpoq.
Ujaarlertut mianersoqqugai
Nunali quasarsinnaammat ujaarlertut mianersoqqullugit kaammatorpai.
AAMMA ATUARUK 18-inik ukiulik ullut arfinilissaanni tammaaneqarpoq
Politiit Gudrun Sanimuínap, ulloq unnuarlu angerlarsimaffimmi najugaqartup, ajutoorsimasinnaaneranik pinerluuteqarfigineqarsinnaaneranillu paasissutissaateqanngillat.
Taanna inuusuttoq sapaatip unnuaani novembarip 12-ianni illoqarfimmeereersoq kingullermik takuneqarpoq. Gudrun Sanimuínak' politiit sapaatip akunnerata siuliani tallimanngornerup ullaavani ujaarilerpaat.
AAMMA ATUARUK Innuttaasut 18-inik ukiulimmik ujaasinermi ikiuunnissaat politiit kaammattuutigeqqikkaat