Innuttaasut 18-inik ukiulimmik ujaasinermi ikiuunnissaat politiit kaammattuutigeqqikkaat

18-inik ukiullip ujaarineqarnera maannamut suli kinguneqanngilaq. Taanna arfininngornerup unnuaani, novemberip 12-ani Qaqortumi Rockhouse qimakkaa kingullermik takuneqarpoq.

Politiit ujaasinermi innuttaasut ikiuunnissaannik tallimanngormat kaammattuipput, tamatumali kingorna ataasiinnaq saaffiginnissimavoq.

Gudrun Sanimuínallu ujaarineqarnerani innuttaasut ikiuuttariaqartut kaammaattuutigeqqippaat.

- Innuttaasut ujaaseqataallutik quiminni arlaannik pasinartoqarsinnaanersoq paasiniassagaat qinnuigaagut. Aammali illoqarfimmi angalaartillutik eqqummaarinnerunissaannik piumaffigissavagut, Laila Fleischer Kujataani Politiini aqutsisoq oqarpoq.

Ujaarineqartoq aallarnissaminut billetisisimasinnaanersoq paasiniarlugu Disko Linemut saaffiginnissimallutik aamma oqaluttuaraa, inuusuttorli tammaaneqartoq billetisisimanngitsoq paasitinneqarput.

- Imaassiinnaasoq innuttaasunut namminneerlutik angalasunut ilaalluni aallarsimasoq, Laila Fleischer oqarpoq.

Gudrun Sanimuínap kingullermik takuneqarnermini kavaajaq qorsuk koorbullu qarliit tungujortut qaamasut atisarai. 155 cm-iterisut takissuseqarpoq, tuattuulluni, naatsunik taartunillu nujaqarpoq.

Qaqortumi Politiit 70 11 22-mut saaffigineqarsinnaapput. Imaluunniit politiit pingaartuutitaat 70 14 48-mut aamma attavgineqarsinnaapput.