Politikki

Politiit peqatigiiffiata amerlanernik aningaasaliinissaq naatsorsuutigaat

Danmarkimi politiit pillugit Folketingimi amerlanerussuteqartut isumaqatigiissutaanni, Kalaallit Nunaata annertunerusumik eqqaaneqannginnera, danskit tungaanniit naalagaaffeqatigiinnerup sumiginnaaneranik taallugu, Nunatsinnit Siumut sinnerlugu Folketingimi ilaasortap, Aleqa Hammondip oqaatigaa.

Allattoq Helle Nørrelund Sørensen

novembarip 27-at 2015 15:15

Nutserisoq Simon Uldum -

Nunatsinnili politiit peqatigiiffiata siulittaasua, Finn Jeppesen KNR-imut oqarpoq, Kalaallit Nunaanni politiit immikkut taaneqarnerat annikitsunnguugaluartoq, tamaattoq naatsorsuutigineqarsinnaasoq aningaasanik pissarsisoqarnissaa.

- Danmarkimut pinerliisoqarsinnaaneranik upalugaarsimasoqalernerani, Folketingimit tamanna aningaasaliiffigneqarmat aamma uangut pissarsitinneqarpugut, naak Kalaallit Nunaannut pisoq toqqaannartumik attuumassuteqanngikkaluartoq, qaangiuttoornitta akilerneqarnissaat eqqarsaatigalugu aningaasanik pissarsivugut.

- Tamannalu tunngavigalugu aamma maanna aningaasanik pissarsinissarput naatsorsuutigaara, politiit Nunatsinni peqatigiiffiata siulittaasua, Finn Jeppesen oqarpoq.

Aamma atuaruk Politiit pillugit isumaqatigiissut Aleqa Hammondip isornartippaa

Aamma atuaruk Politeeqarnermut isumaqatigiinniarsimaneq Inuit Ataqatigiit ajuusaarnartoqartippaa

Nunatsinni politiit aningaasanik pissarsinissaat pillugu, Kalaallit Nunaanni Politeeqarfimmit aamma politiit peqatigiiffiannit aallartitat decembarimi Danmarkiliassapput.

Taakkuli oqaatigaat, aningaasanik ukiuni tulliuttuni sisamani kikkut pissarsissanersut, Naalagaaffiup politeeqarfiata kisimi aalajangersinnaagaat.

Aamma atuaruk Danskit politeeqarneq pillugu isumaqatigiissutaanni Nunarput peqataatinneqanngitsoq

Aamma atuaruk Politeeqarnermut isumaqatigiissutip imaasa ilai