Naalakkersuisut aningaasaqarnikkut ingerlatsinerat ilorraap tungaanukartoq

- Qanoq iliuuseqartoqanngippat siunissaq ungasinnerusoq isigalugu aningaasaqarneq ajorseriartussaavoq. Tassami inuiaqatigiit utoqqalisartut ullumikkut amerlanerulerput tamannalu eqqarsaatigisariaqarpoq, tassami naalakkersuisut aningaasaqarnikkut ingerlatsinerisa pissutsit arlaqartut kalluartussaavai, tamannalu pingaaruteqarpoq tassami maanna pisariaqalerpoq aaqqissuusseqqinnerit aallartereersimasut ilaasa naammassineqarnissaat, taamaattumik Inatsisartut upernaaq manna ataatsimiinnerat tamassumunnga pingaaruteqarluarpoq, Aningaasaqarnermut Siunnersuisooqatigiit siulittaasuat, Torben M. Andersen, oqarpoq.

Taassuma iluarsaaqqinnissamik pilersaarutit Nunatat ilorraap tungaanut aallarnissanut ilumut iluaqutaassanersut oqaaseqarfigissallugit tunuarsimaarpoq.

Aamma atuaruk Aningaasaqarnikkut ingerlatsineq Inatsisartut ullumi sammissavaat

Immikkualuttulli ilaat iluarisimaarpai. Sulifferqarnermi ilanngaatissatut siunnersuut taakkununnga ilaavoq.

- Assersuutissqarpugummi suliffeqartartoq inuttalerneqanngitsunik, naak sulisinnaasunik suliffissaaleqisoqaraluartoq. Tamatumalu ersersippaa, kajumilersitsiniarmi ajornartorsiuteqartoq, amrlanerusut sulilernissaannut unikaallatsitsisumik, Torben M. Andersen oqarpoq.

Tamannali kisimiissiinnaanngitsutut isigaa.

- Qanoq aaqqissuunneqarnera apeqqutaalluni, iluaqutaasinnaasoq ilimagaara. Kisianni aamma erseqqippoq, tanna kisimiisillugu aaqqissustissaanngitsoq, aningaasanik aqutsinermut ilisimatooq oqarpoq.

Aamma atuaruk Nunatta aningaasaqarnera nalunaaquttap akunnerni tallimani oqallisigaat

Naalakkersuisut aamma atulilersussanut sulineq sukasarniarmassut, taassuma pitsaasutut isigaa.

- Ilinniartitaaneq iserfigigaluttuinnarnerani aporfissat aningornissat ajirnarneruleriartortarpoq, taamaanneranilu ilinniarfeqarfinnut, ilinniartitsisunut ataasiakkaanut allanullu ikiuunnissaq ajornarnerusarpoq. Taamaammat atualersussanik aallusineq isumaqarluarpoq, Aningaaasaqarneq pillugit siunnersuisoqatigiit siulittaasuat, Torben Andersen, oqarasuaatikkut attaviluttukkut oqarpoq.

Taasumali erseqqissarpaa, atulilersussanut sulinerup sukaternera inuiaqatigiinnut ukiorpassuit qaangiuppata aatsaat iluaqutaalissasoq. Atualilernissaminnut piareersarlaursimasut aatsaat atuareerlutik ilinniakkaminnik naammassinnissimalerpata iluarsaatuussinerup iluaqutai erseqqississammata.