GIF sulianut ataasiakkaanut akulerunnianngilaq
Kattuffiup siulittaasua Nuka Kleemaann tusagassiuutinut taama nalunaaruteqarpoq.
Kalaallit Nunaanni Timersoqatigiit Kattuffiat Arsaattartut Kattuffianniit nunanut allanut sungiusaasup soraarsitaasimanera pillugu nassuiaammik nassinneqarsimavoq.
AAMMA ATUARUK Nunanut allanut unammisartut Teklep soraarsitaanera kamaatigaat
AAMMA ATUARUK Arlalinnik mianersoqqussutinik tunineqareersimasoq
Sungiusaasoq allamiujuluarfigineqarmat unammisartoq allamiujuluarnermik iliuuseqarsimasoq timersuutimiit mattullugu GBU erngerluni iliuuseqarnera kattuffiup maluginiarpaa. Taamaattumik GBU-mit malittarisassat malinneqarput.
Nunatta karsianit Tips og Lotto-miillu aningaasaliissutit timersoqatigiiffimmit atugassarinngisanut atorneqartut paasineqarpata, malittarisassanullu allanut naapertuutinngittumik atuisoqarluni taava GIF-i qanoq iliuuseqarsinnaassuseqarpoq, timersoqatigiiffimmullu pineqartumut aaqqiinisamik piumasaqaateqarsinnaasoq Nuka Kleemaannip aamma oqaatigaa.
GIF pisoq ilinniutissatut tiguneqassasoq arsaannermullu tapersersuineq ikiuunnerlu nangittumik ingerlateqqullugu kaammattuivoq.
AAMMA ATUARUK Sungiusaasup soraarsitaanera Nunatsinni isikkamik arsaannermut innarliivoq
AAMMA ATUARUK Isikkammik arsaattartunut sungiusaasoq soraarsitsisoqarnera akerleralugu tunuartoq